Գերմանիայի արտգործնախարար Յոհան Վադեպֆուլը հայտարարել է, որ Իսրայելը վտանգի տակ է՝ մեկուսացման ենթարկվելու առումով, և Գերմանիան փորձում է կանխել դա։
«Իսրայելը պետք է մշտապես ունենա ընկերներ, գործընկերներ և աջակիցներ միջազգային համայնքում։ Եվ ներկայիս իրավիճակում դա վտանգված է։ Իսկ եթե կա մի երկիր, որն ունի այդ վտանգը կանխելու պատասխանատվություն, ապա, իմ կարծիքով, Գերմանիան է», - ասել է Վադեպֆուլը Իսրայել կատարած այցի ընթացքում լրագրողների հետ զրույցում։
Ըստ համաշխարհային սովի մոնիթորինգային կազմակերպության՝ Գազայի հատվածում արդեն սով է սկսվել։ Մի շարք երկրներ Իսրայելին քննադատում են այնտեղ իր գործողությունների համար:
Իսրայելում է նաև ԱՄՆ նախագահի հատուկ բանագնաց Սթիվ Ուիտկոֆը: Նա այսօր նախատեսում է այցելել Գազայի հատված:
